Deutchland 83 telesailean keinua programatzaileei

Aurkariari ebatsiriko diskete garrantzitsu baten edukiak irakurri nahian ari direla informazioa zifratuta dagoela konturatzen dira, irudian ikusten den bezala:

 

Segundo batzuk geroago ondorengo kodea agertzen da ordenagailuaren pantailan:

 

Programatzailea izanda horrelako gauzek atentzioa deitzen didate. Telesail edo pelikula bat ikusten ari naizenean pantailan kodea edo antzerako zerbait agertzen denean zer jartzen duen jakin nahi izaten dut. Kasu honetan ere bideoa gelditu, atzera bota eta pausatu nuen.

Nire harridurarako pantailan agertu zen kodeak zentzua zeukan. BASIC programazio lengoaian idatzitako programatxo bat da, lehen pantaila argazkian agertzen den "informazio zifratua" sortzeko erabil daitekeena. "Informazio zifratua" komatxo artean jarri dut, programatxo honek ausazko zenbakiak erabiltzen baititu lehen pantaila-argazkian agertzen direna bezalako testu-kateak sortzeko. Alegia, ez dagoela mezu sekreturik, pantailan ikusten direnak ausazko zenbakiak direla, baina zentzua duen eta gaiarekin zerikusia duen kodea erabiltzeko nekea hartzea ez da ohikoa. Eskertzekoa da.

JavaScript-era itzulita horrelako zerbait izango litzateke:

var a = 0;
var b = "";
for (var i = 0; i < 64; i++) {
    for (var p = 0; p < 6; p++) {
	for (var q = 0; q < 5; q++) {
	   a = 48 + Math.random() * 10; 
	   b = b + String.fromCharCode(a);
	}
	b = b + " ";
    }
    console.log("  " + b);
    b = ""
}

Script hau Node.js-rekin terminalean exekutatuz ondorengo emaitza lortzen dugu:

 

.cc-by-sa-lizentzia-oina {
width: 85%;
background-color: #ccc;
padding: 5px 20px;
max-width: 800px;
margin: 0 auto;
}
.cc-by-sa-lizentzia-oina p a {
color: #333;
}
.cc-by-sa-lizentzia-oina p a:hover,
.cc-by-sa-lizentzia-oina p a:focus {
color:#999;
text-decoration:none;
}

Creative Commons Lizentzia

Artikulu honek Creative Commons Aitortu-PartekatuBerdin 4.0 Nazioartekoa (CC BY-SA 4.0) lizentzia dauka. Kopiatu, moldatu, zabaldu eta argitaratzeko libre zara, beti ere, nire egiletza aitortzen baduzu eta baldintza beretan egiten baduzu.

Aurreko bidalketa
5000. eus domeinua erregistratu dugu
Hurrengo bidalketa
Iametza Interaktiboak programatzaile lan poltsa osatu nahi du
Menua