Emakumeok protagonista!

2016/09/12 · Ale Goikoetxea

Lehenengo euskal emakumeak urrea eskuratu du Rioko olinpiar jokoetan baina badirudi Chorrautek titularrak ama izateagatik betetzen dituela. Beste askok ordea ama izan orduko bilatzen dituzten mutil lagunen kontuengatik egiten dira ezagun, eta gorpuzkera lirainengatik azaltzen dira kirol egunkarietan.

Bitartean, jaietan eta jaietatik at emakumeak erasotuak eta jipoituak izaten jarraitzen dute. Zalantzan jartzen dira gainera emakumeak kalera ateratzeko moduak eta formak. Baina emakumeon egoera hobera doa, parekidetasunean aurrerapausoak ematen ari gara eta jendartearen kontzientziak aldatuz doaz. Nik neuk, aurrerapauso bakanak atzematen ditut eta zinez zalantzak dauzkat arlo askotan aurrera edo atzera goazen.

Bakoitzak baina bere eremuan oraindik ere egiteko asko daukagu. Nik nire aldetik, emakume indartsu, azkar, kementsu eta lehiakorrei buruzko titularrak idatziko ditut. Saiatuko naiz futbola eta emakumeen futbolaren artean bereizketarik ez egiten eta hartara kirolaren datu basean emakumeen aipamenak gizonezkoenen erdia izateari lagako diote.


facebook
0
twitter
iametza interaktiboa

Zirkuitu ibilbidea 2 - 1. pabiloia
Lasarte-Oria (Gipuzkoa)

T (+34) 943 376 716
F (+34) 943 372 772

kaixo@iametza.eus

Euskarabildua Puntu eus
iametza interaktiboa iametza interaktiboa iametza interaktiboa iametza interaktiboa iametza interaktiboa iametza interaktiboa
©2015 iametza interaktiboa