Xuxen zuzentzaile ortografikoa erabili nahi dut CKEditor-en. Zer egin behar dut?

2016/11/18 · Asier Iturralde

Xuxen zuzentzaile ortografikoa laguntza bikaina da euskaraz txukun idazteko. Software eta Teknologia Librearen III. Euskal Mintegian CKEditor-i buruzko hitzaldia amaitu nuenean Iñaki Alegriak bota zidan galdera: erabil daiteke Xuxen CKEditor-en? Momentuan ez banekien ere erantzuna baiezkoa da, artikulu honetan azaltzen dut nola.

Egin beharrekoa

CKEditor-en Xuxen erabili ahal izateko lerro hau gehitu behar duzu CKEditor-en config.js fitxategian:

config.disableNativeSpellChecker = false;

 

Ez dakizu hori nola egin? Lasai, esaiozu zure webgunearen garatzaileari eta laster batean aldatuko dizu.

Aldaketa hori egin eta webgunea berriz kargatu ondoren (sakatu Ktrl + F5) Xuxen hitz okerrak azpimarratzen hasiko da, baina saguaren eskuineko botoiarekin hitzaren gainean klikatzean Xuxenek egindako gomendioak ez direla agertzen konturatuko zara.

 

Horrek ere erremedio erraza du, sagua hitzaren gainean jarri eta Ktrl botoia sakatuta daukazula eskuineko botoiarekin klikatzen baduzu Xuxenen gomendioak agertuko zaizkizu.

 

Oharra: Xuxen nabigatzailean instalatuta eduki behar duzu honek funtziona dezan. Instalatzeko ikusi esteka honetako Web-nabigatzaileak fitxako azalpenak.

 

Azalpena

CKEditor-ek nabigatzailearen zuzentzaile ortografikoa desgaitzen du, konfigurazioan disableNativeSpellChecker false ezarrita aldatu daiteke ezarpen hori.

Normalean Context menu plugina instalatuta egoten da eta horrek eragiten du CKEditor-ek laster-menu natiboa berearekin ordezkatzea. Horregatik ez dira ikusten Xuxenen gomendioak saguarekin eskuin klik egitean. Ktrl + saguaren eskuineko botoiarekin klik eginda nabigatzailearen menu natiboa agertzen zaigu. Hainbat pluginek CKEditor-en laster-menua erabiltzen dutenez ez da komeni Context menu plugina desinstalatzea.

Creative Commons Lizentzia

Artikulu honek Creative Commons Aitortu-PartekatuBerdin 4.0 Nazioartekoa (CC BY-SA 4.0) lizentzia dauka. Kopiatu, moldatu, zabaldu eta argitaratzeko libre zara, beti ere, nire egiletza aitortzen baduzu eta baldintza beretan egiten baduzu.


facebook
0
twitter
iametza interaktiboa

Zirkuitu ibilbidea 2 - 1. pabiloia
Lasarte-Oria (Gipuzkoa)

T (+34) 943 376 716
F (+34) 943 372 772

kaixo@iametza.eus

Euskarabildua Puntu eus
iametza interaktiboa iametza interaktiboa iametza interaktiboa iametza interaktiboa iametza interaktiboa iametza interaktiboa
©2015 iametza interaktiboa