IAMETZA bi punturen arteko lotura

Zure proiektuak behar duen lekura iristen laguntzeko prest gaude, izan biderik ederrena, laburrena edo azkarrena.
Zu eta zure hartzailea lotzeko gure bi jakintza nagusiak erabiliko ditugu: komunikazioa eta teknologiak.
Ametzagaiña taldea osatzen dugu ARGIA, Antza eta Adurrekin batera, denetara 70 lagunetik gorako taldea osatuz.

KOMUNIKAZIOA

Zu eta zure hartzailea lotzeko
estrategia eraginkorrak osatzeko
gogoz gaude. Komunikazio
estrategiak osatzeaz gain, horiek
modu berritzailean garatzeko bideak
elkarrekin eraikitzea atsegin dugu.

TEKNOLOGIA

Zure proiektuak iritsi behar duen lekura modu berritzailean iristen lagunduko zaitugu bitarteko digitalen bidez: webguneak, APPak edo aplikazioak, besteak beste. Neurrira egindako garapenak dira gure indarguneak, zure beharretara hoberen egokitzeko aproposenak. Komunikazio eta diseinua barnebiltzean gure lanak eraginkorragoak egiten ditugu.

AZKEN proiektuak

GURE blogetik

Antonio Mercero Museo Birtuala aurkeztu dugu gaur

Gaur, 11:30etan aurkeztu da Antonio Mercero Museo Birtuala. Lasarte-Orian jaiotako zinemagile ospetsua duela urtebete zendu zen eta bai Lasarte-Oriako alkate Jesus Zaballosek zein Gipuzkoako Foru Aldundiko Denis Itxaso Kultura, Turismo, Gazteria eta Kirol saileko diputatuak nabarmendu dutenez, beharrezkoa zen ikus-entzunezko ondarea jasotzen duen proiektu hau burutzea. Webgunearen diseinua, garapena eta dokumentazio lana Iametzako lan-taldeak egin dugu, lehiaketa publiko bidez proiektuaren esleipena lortu ondoren.

Bilaketa bakarrari buruz hitz egingo dute biharko Xenpelar Dokumentazio Jardunaldietan

Bihar Villabonako Subijana Etxean egingo diren Xenpelar Dokumentazio Jardunaldien izenburua honakoa da: 'Bilaketa bakarra erabiltzaileentzat: datu guztiak klik batean'.

Iametza azken urtetan Xenpelar Dokumentazio Zentroarekin elkarlanean ari da, BDB artxibo digitalaren gauzatze teknologikoa egiten. Lankidetza horren emaitza izan da IDOKUM tresna, oraindik garatzen jarraitzen duguna. Hori dela-eta, Xenpelar-eko kideek aurtengo dokumentazio jardunaldietan parte-hartzeko aukera eskaini digute. Lerro hauetatik eskerrak eman nahi dizkiegu Euskal Herriko Bertsozale elkarteko lagunei.

Indartu zure euskal identitatea sarean

Eskaintza berezia jarri du martxan PuntuEUS fundazioak. Martxoaren 20tik apirilaren 30era bitartean 7 euroko prezioa izango du .eus domeinuak, beza gehitu gabe. Webgune soilak ez ezik, .eus domeinuak sareko euskal komunitatea indartzea ahalbideratzen du, identitate eta izaera propioa emanez interneteko jardunari.  Ez galdu aukera eta aldatu zure webgunearen domeinua!

JARRI GUREKIN HARREMANETAN

Etxeko martxa eta ingurukoen ordutegien menpe ibili ohi gara aurrera eta atzera beti. Bezeroen eskakizunei so, gutako askoren kasuan mugikorrarekin alde batetik bestera, goiz erdiko kafeari uko egin gabe, baina bulegoko ordutegiak errespetatuz eta bezeroei erantzunez.

Lasarte-Oriako Zirkuitu Ibilbidean aurkituko gaituzu behar duzunean.

+34 943 376 716

Fill out this field
Fill out this field
Fill out this field
Menua